Түүхэн замнал

2026 он

Үйлчлүүлэгчийн тав тухыг хангах зорилгоор олон улсын стандартад нийцүүлэн агаар сэлгэлтийг сайжруулж, дэвшилтэт технологи бүхий тоног төхөөрөмж, орчин үеийн интерьер дизайн бүхий заслыг хийж, эмнэлгийн барилгаа шинэчлэн тохижууллаа.

2025 он

2024 он

2023 он

2020 он

CBCT-рентген, компьютер томограф хосолсон аппаратыг Чих, хамар, хоолойн практикт Монгол улсад анх удаа нэвтрүүллээ.

2019 он

БНСУ-ын компанитай хамтран Төрөлжсөн мэргэжлийн бүтэц үйл ажиллагаа MNS 6330:2017, Эрүүл мэндийн байгууллагын орчны эрүүл ахуйн шаардлага MNS6392:2013 стандартын шаардлагуудыг бүрэн хангасан орчин үеийн тоног төхөөрөмж бүхий, бүрэн вакум мэс заслын 2 заалтай боллоо.

2018 он

Төвөнх, залгиурын кабинет шинээр байгуулж, залгиурын уян дурангийн оношилгоо, 3D хүзүүний хэт авиан оношилгоог шинээр нэвтрүүлэн төвөнх, залгиур, дуу авиа судлалын өвчний оношилгоог сайжрууллаа

2017 он

Чихний дурангийн мэс заслыг өөрийн эмнэлэгт нутагшуулан хийж эхэллээ.

2016 он

Тэнцвэрийн лабораторийг Монголд анх удаа байгуулж, CALORIC TEST болон VIDEO NYSTAGMО GRAPHY, Толгойн импульс тест (HIT), Тэнцвэрийн мэдрэлийн салааг шалгах (VEMP) шинжилгээнүүдийг нэвтрүүлж, дотор чихний гаралтай тэнцвэрийн үйл ажиллагаа алдагддаг олон эмгэгүүдийг ялган оношилж эхэллээ.

2015 он

Хэл заслын багш нарыг бэлтгэж, “Дунгийн суулгац” мэс заслын дараах сонсгол сэргээх, хэл яриа үүсгэх, оюун ухааныг хөгжүүлэх зорилготой анхны ”Дун” цэцэрлэгийг байгууллаа.

Италийн “LOFARM” Компанитай хамтран ажиллах гэрээ байгуулан “Хамрын харшлын шинжилгээ”, Риноманометрийн шинжилгээг нэвтрүүллээ.

2014 он

Siemens фирмтэй албан ёсны дистрибьютерийн гэрээ байгуулж, Сонсголын аппарат болон дагалдах хэрэгсэл, тоног төхөөрөмжийг импортолж, үйл ажиллагаандаа нэвтрүүллээ.

Дурангийн аргаар хэнгэрэг нөхөх тэс заслыг анх удаа Монгол улсад хийлээ.

2011 он

Нүүрний мэдрэл нөхөн сэргээх мэс заслыг хийж эхэллээ.

2010 он

Хамрын хөндийн дурангийн мэс заслын аргыг Монгол улсад нэвтрүүллээ.

2009 он

Австрали улсын “Cochlear”-фирмтэй албан ёсны дистрибьютерийн гэрээ байгуулж, сонсголын хүнд зэргийн бууралттай хүүхдүүдэд сонсгол оруулах “Дунгийн суулгац хагалгаа”-г Монгол улсад нэвтрүүллээ.

Хавирганы мөгөөрс ашиглан хамар нөхөн сэргээх мэс заслыг эхлүүлэв.

2008 он

Монгол улсад анх удаа хамрын хөндийн мэс засалд Микроскопи ашиглах аргыг нэвтрүүлэв.

2007 он

ЭМШУИС-ын төгсөлтийн өмнөх ба дараах сургалт, ЭМХТ-ийн төгсөлтийн дараах сургалтын бааз эмнэлэг болж, Чих, хамар, хоолойн үндсэн мэргэшлийн сургалт явуулдаг боллоо.

Монгол улсад анх удаа дөрөө ясны мэс заслыг хийлээ.

Ухархайн гэмтэлд мөгөөрс ашиглах мэс заслын аргыг анх удаа нэвтрүүллээ.

2006 он

Монгол улсад анх удаа дунд чихний эмгэгтэй, сонсголын хүнд зэргийн бууралттай тохиолдлуудад сонсголын яс болон дөрөө ясыг ХБНГУ-ын “Heinz Kurz” титан протезоор солих мэс заслуудыг нутагшуулж, хагалгааны дараах сонсгол сайжралтыг нэмэгдүүллээ.

Мөн байгалийн ногоон бүсэд эмнэлэг, сувиллын үйлчилгээ үзүүлэх, мэс заслын дараа нөхөн сэргээх, эрүүлжүүлэх, “ЭМЖЖ клиник сувилал”-ийг байгууллаа.

2005 он

“ЭМЖЖ” эмнэлэг 33 ортой, өөрийн байртай болж үйл ажиллагаагаа өргөжүүлж, 8 эмч, 12 сувилагч, 8 туслах ажилтантай боллоо.

Монгол улсад анх удаа нярайн сонсгол шалгах шинжилгээг нэвтрүүлж, анхны бие даасан сонсголын тасгийг байгуулав.

2003 он

Монгол улсад анх удаа ХБНГУ-ын эрдэмтэдтэй хамтарч мэс заслыг LIVE-р шууд дамжуулан УНТЭ дээр сургалт зохион байгуулав.

Магадлан итгэмжлэгдсэн анхдагч хувийн эмнэлгүүдийн нэг болов.

2001 он

Дунд чихний протезийн мэс заслыг хийж эхлэв.

ХБНГУ-ын “Pro Acoustic” холбоотой хамтын ажиллагааны гэрээ байгуулж, Монгол улсад анх удаа акустик инженерүүдийг бэлтгэж, Сонсгол судлалын иж бүрэн кабинетыг нээн олон улсын стандартын дагуу сонсголын аппаратын тохируулга, засвар үйлчилгээ, сонсголын обьектив шинжилгээг хийж, олон улсын хамтарсан сургалт зохион байгуулав.

1997 он

Тухайн үеийн хууль тогтоомжийн хүрээнд “Сонор-Ж” ХЭАА татан буугдаж суурин дээр нь “ЭМЖЖ” эмнэлгийг 1-р төрөх эмнэлгийн хуучин байрны 2 давхарт байгуулж, 15 ортой Мэс засал, хэвтүүлэн эмчлэх тасаг нээж, үйл ажиллагаагаа өргөжүүлж, 1 Чих хамар хоолойн эмч, 5 их эмч, 1 унтуулгын эмч, 4 сувилагч, 2 туслах ажилтан 1 тогоочийн бүрэлдэхүүнтэйгээр ажиллаж байв.

1994 он

”Сонор” пүүс татан буугдаж, “Сонор-Ж” ХЭАА-г АШУ-ны доктор, профессор, Монгол Улсын Хүний Гавьяат эмч Батын Эрдэнэчулууны санаачилгаар байгуулсан бөгөөд Чих хамар хоолойн явуулын үзлэг, гадаад худалдаа, мал аж ахуй эрхэлж байв.

1992 он

Батын Эрдэнэчулуун эзэнтэй “Сонор” пүүс байгуулагдав. Анхны пүүс нь тухайн үеийн ЭНЭШТөв (одоогоор ЭХЭМҮТ)-ийн Чих хамар хоолойн мэс заслын тасгийн эмч, ажилчид пүүсийн хувь эзэмшигч байсан бөгөөд тухайн үеийн пүүсийн захирлаар Э.Жаргалхүү, аж ахуйн дарга, менежер Л.Довчин, малчин, саальчин х.Аварзэд (сувилагч) нар ажиллаж байв.